"Кристал Пэлас"нинг янги бош мураббийи Сэм Эллардайс янги жамоасидаги мақсадлари билан ўртоқлашди.
62 ёшли мутахассис АПЛнинг 17 туридан сўнг 17-ўринда бораётган жамоани қабул қилиб олди.
"Дарров ҳар қандай совринларни ютамиз, дейишдан йироқман. Жамоанинг биринчи галдаги вазифаси - мағлубиятга учрашни бас қилиш. Келинг, ўйиндан ўйинга натижаларга эришишни бошлаймиз.
Бентеке ва Заха каби ўйинчилар билан ишлашга ошиқиб кетяпман. Бу каби ҳужумкор ўйинчилар исталган жамоага керак. Аммо биринчи ўринда ўз дарвозамиздан гол қўйиб юбормаслик ҳақида ўйлашимиз керак", - дейди Эллардайс.
