«Челси» бош мураббийи Антонио Конте Англия чемпионатида қишки танаффуснинг йўқлигига ўз муносабатини билдирди.
«Англиядаги вазиятдан хабардорман ва кўп мураббийлар қишки танаффуснинг йўқлигидан норози эканини биламан. Айниқса терма жамоа мураббийлари бундан нолимоқда. Фабио Капеллонинг қишки танаффусни йўқлиги терма жамоага салбий таъсир қилиши ҳақидаги гапини яхши эслайман. Унга эътироз билдириш қийин.
Бундай пайтда ўйнаш футболчилар учун жуда оғир, бироқ мухлислар учун айни муддао» - деди мутахассис клуб расмий сайтида.