"Сандерленд" бош мураббийи Дэвид Мойеснинг фикрича, "Манчестер Юнайтед" сэр Алекс Фергюсондан сўнг клуб ўз анъанасини йўқотган.
Унинг фикрига кўра, Луи ван Гал, Жозе Моуриньо каби чет элликларнинг таклиф қилиниши ва клубнинг трансфер бозоридаги иштаҳаси анаъананинг йўқолишига сабаб бўлган.
"Айтишим мумкинки, ҳозир бу анъаналар йўқ. Улар бошқача йўл тутишди ва буни тўғри деб ҳисоблашди. Балки бу мажбурий бажарилган ишлардир, аммо сэр Алекс трансфер бозорида ўзини доноларча тутар эди ва кимга муҳтож бўлинса - ўша футболчи сотиб олинар эди", - дейди Мойес.
