"Челси" бош мураббийи Антонио Конте Англия чемпионати ўйинларининг янги йил байрами арафасида ўтказилишига ўз муносабатини билдирди.
"Мен Англиядаги вазиятни эшитганман ва кўпчилик мураббийлар қишки танаффус йўқлигидан нолиганларини биламан. Капелло бундай танаффуснинг йўқлиги терма жамоа ўйинига таъсир қилишини айттганини ҳам эслайман. Нимадир дейиш қийин, бу вақтда ўйнаш жуда оғир ва шу билан бирга ажойиб ҳам.
Аёлим ва қизим менинг ака-укаларим ва ота-онам билан Рождествони нишонлагани етиб келишди. БУ ажойиб. Бу менга ва оиламга янгилик, мен Рождество куни ишлайман ва ўйин ҳам ўтказаман. Ўйлашимча, бу ажойиб тажриба бўлади.
Бу биз учун ғалати, чунки бу вақтда биз ҳаммамиз дам оламиз. Баъзан Леччега отланардик, баъзан Туринда қолардик. Бир марта Дубайга борганмиз. Янги йилни оила даврасида кутиш керак, бу энг муҳими. Қаердалиги муҳим эмас, асосийси - биргаликда", - дейди Конте.
