Россиянинг «Зенит» клуби ўз таркибини «Бавария» ярим ҳимоячиси Арьен Роббен ёрдамида кучайтирмоқчи. ItaSportPress тарқатган хабарга кўра, голландиялик футболчининг ўзи эса Мюнхенда қолишни истамоқда.
Роббен петербургликлар сафига кўчиб ўтиши мумкин, агар "Зенит" футболчига 10 миллион евро йиллик маош беришга тайёр бўлса. 32 ёшли футболчининг «Бавария» билан шартномаси 2017 йилнинг ёзида якунига етади.
Аввалроқ "Бавария" клуби бошқаруви раиси Карл-Хайнц Румменигге интервью бериб, жамоа Роббен билан шартномани узайтирмоқчи экани ҳақида маълумот берганди.