Германия терма жамоасининг бош мураббийи Йоахим Лёв жаҳон чемпионати иштирокчилари сонини ошишига салбий муносабатда эканини билдирди.

«ФИФА ва УЕФА бу ислоҳотдан жавобгардир. Улар меъёрга риоя қилиб, мусобақанинг спорт ва тижорат хусусиятларида мувозанатни топиши керак.

Сўнгги йилларда футболчиларнинг жисмонан ва маънан толиққанини кўрмоқдамиз. Шунинг учун ҳам ўйинлар сонини ошириб, сифатни йўқотишдан эҳтиёт бўлиш лозим.

Агар шунга амал қилинмаса, мухлислар юз ўгириши ва мусобақага бўлган қизиқиш пасайиши мумкин. Айни пайтда, 32 жамоа иштирок этаётган жаҳон чемпионати энг маъқул вариантдир.

Менга ҳозирги кунда ҳужумкор ўйиндан қочаётган ва ҳимояга ўтиб оладиган жамоалар ёқмайди. Мусобақа Евро-2016га ўхшаб ўз савиясини пасайтиради. Унда чемпион бўлган Португалияни учинчи ўрин билан гуруҳдан чиққанини эсланг» - деди Лёв.