Украина терма жамоаси бош мураббийи Андрей Шевченко жамоа таркиби ва унга чет эллик футболчиларни жалб қилиш борасида фикрини айтди.
"Биз натурилизация билан шуғулланмаймиз ва ҳеч кимни таклиф қилганимиз йўқ. Ҳаммаси оддий: мен украин футболчилари билан, Украина паспортига эга футболчилар билан ишлайман. Фуқаролик иши билан эса футболчининг ўзи шуғуллансин, бу жуда муҳим ҳаётий қарор. Агар у Украина фуқаросига айланса, бизнинг қизиқишларимиз доирасига тушиши мумкин. Шундагина унинг ўйинларини кузатамиз. Аммо кафолат бермаймиз", - дейди Шевченко.
