Тартиб-интизом қўмитасининг 2016 йилдаги сўнгги йиғилиши бўлиб ўтди.

Олий Лига

“Олмалиқ” ярим ҳимоячиси Диёр Туропов 28-тур доирасида “Обод”га қарши ўйинда рақибга жароҳат етказиш мақсадида оёғига зарба бергани учун, 3 ўйинга дисквалификация қилинди ва жаримага тортилди.

“Қўқон-1912” ярим ҳимоячиси Сухроб Бердиев “Олмалиқ” клубига қарши 30-тур ўйинида рақибига боши билан зарба бергани учун 3 ўйинга дисквалификация қилинди ва жаримага тортилди.

“Қўқон-1912”га қарши ўйинда рақибига жароҳат етказиш мақсадида атайин оёғига зарба бергани учун майдондан четлатилган “Олмалиқ” ҳимоячиси Хушвақт Мухторов, 3та ўйинга дисквалификация қилинди ва жаримага тортилди.

“Норин”га қарши ўтиш ўйинида рақибига нисбатан жиддий қоида бузгани учун майдондан четлатилган “Навбаҳор” ярим ҳимоячиси Илхом Бойдедаев, 2та ўйинга дисквалификация қилинди ва жаримага тортилди.

Ёшлар Биринчилиги

“Пахтакор”га қарши 29-тур ўйинидан сўнг мухлислар шаънига ноъмақул сўзларни ишлатгани учун майдондан четлатилган “Олмалиқ” дарвозабони Роман Абдулов, 3та ўйинга дисквалификация қилинди. 

Ўзбекистон Биринчилиги

“Ғиждувон” ҳимоячиси Бекзод Сатторов 35-турда “Косонсой”га қарши ўйинда жиддий қоида бузгани учун 3та ўйинга четлатилди.

“Норин” ярим ҳимоячиси Рустам Агзамов “Машъал-2”га қарши ўйинда рақибини ҳақорат қилгани учун 2та ўйинга дисквалификация қилинди.

“Зомин” ярим ҳимоячиси Султонбек Нурунов 36-турда “Ёзъёвон-Лочинлари”га қарши ўйинда рақибини ҳақорат қилгани учун 2та ўйинга четлатилди.

“Пахтакор-2” ҳимоячиси Сарвар Сатторов 36-турда “Хоразм”га қарши ўйинда жиддий қоида бузгани учун 2та ўйинга дисквалификация қилинди.

“Зомин” клуби вице-президенти Илхом Собиров 36-турда “Ёзъёвон-Лочинлари”га қарши ўйинда учрашув ҳакамни ҳақорат қилгани учун жаримага тортилди ва бундай ҳолат яна такрорланса, жиддийроқ чора кўрилиши ҳақида огоҳлантириш олди.