«Манчестер Юнайтед» бош мураббийи Жозе Моуриньо энг яхши футболчилардан иборат рамзий терма жамоасини тузишдан бош тортди.

«Менинг рамзий терма жамоам? Бу саволга ҳеч қачон жавоб бермаганман ва бермайман.

Менинг қўл остимдаги футболчилар жонини жабборга бериб ҳаракат қилишган, уларнинг орасидан ҳеч кимни алоҳида ажратиб ололмайман.

Витор Байя, Петр Чех, Жулио Сезар, Жорже Коста, Рикарду Карвалью, Марко Матерацци, Лусио, Вальтер Самуэль, Жон Терри. Қандай қилиб бир нафарини ажратиб олишим мумкин?

Майкл Эссьен, Уэсли Снейдер, Неманья Матич, Коштинья, Манише, Хаби Алонсо, Фрэнк Лэмпард. Қандай қилиб бир нафарини ажратиб олишим мумкин?

Бу саволга ҳеч қачон жавоб беролмайман, чунки биродаримга айланиб қолган бу футболчиларни унутмайман» - деди Моуриньо.