"Атлетико" бош мураббийи Диего Симеоне Испания кубогининг 1/8 финали жавоб учрашувида "Лас-Пальмас"дан учралган мағлубият ҳақиди фикр билдирди.
Мадридликлар 89-дақиқада ва қўшиб берилган вақтларда иккита тўп ўтказиб, 2:3 ҳисобида мағлуб бўлдилар.
"Мағлубият ҳар доим ёқимсиз бўлган. Аммо Испания кубоги чоракфиналига чиқиш, мусобақани тарк этишдан ёқимлироқ деб ўйлайман. Охирги беш дақиқани эслагим келмайди, аммо яхши вазиятларни ҳам унутмаслик керак. "Лас-Пальмас"дан мағлуб бўлганимиз мени мутлақо ҳайрон қолдирмади", - дейди Симеоне.
Биринчи учрашувда мадридликлар 2:0 ҳисобида ғалаба қозонган эдилар.
