ФИФА ташкилоти ЖЧ-2026 мусобақасида 48та терма жамоа иштирок этиши ҳақидаги қарорни қабул қилди.

Янги регламентга кўра, 48та жамоа 3та жамоадан 16та гуруҳга ажратилади. 1 ва 2-ўринни эгаллаган жамоалар плей-офф босқичига йўл олади.

Тахминларга кўра, йўлланмалар қуйидагича тақсимланади: Европа (УЕФА) 16 ўрин, Африка (КАФ) – 9,5, Осиё (ОФК) – 8,5, Жанубий Америка (КОНМЕБОЛ) – 6,5, КОНКАКАФ – 6,5, Океания – 1.

Агар бу тизим ЖЧ-2014 мусобақасида қўлланганида, қайси терма жамоалар қўшимча равишда мундиалда иштирок этган бўларди?

Ҳисоблаб кўриш қийинмас.
Агар ЖЧ-2014да 48та терма жамоа иштирок этганида, унга қўшимча равишда –
Европадан - Украина, Швеция, Исландия ва Руминия,
Африкадан - Сенегал, Эфиопия, Тунис, Миср,
Осиёдан - Ироқ, Ўзбекистон, Иордания, Қатар,
Жанубий Америкадан - Венесуэла,
КОНКАКАФдан - Панама ва Ямайка,
Океаниядан – Янги Зеландия.
Шунингдек, қитъалараро плей-офф ўйинлари Перу - Ливан ва Буркина-Фасо - Гватемала ўйинларининг ғолиблари йўл олган бўларди.

Бу тахминлар билан Инфантино киритган ўзгаришлар қандай кўриниш олиши ҳақида умумий тасаввурга эга бўлиш мумкин.