FIFA tashkiloti JCH-2026 musobaqasida 48ta terma jamoa ishtirok etishi haqidagi qarorni qabul qildi.

Yangi reglamentga ko‘ra, 48ta jamoa 3ta jamoadan 16ta guruhga ajratiladi. 1 va 2-o‘rinni egallagan jamoalar pley-off bosqichiga yo‘l oladi.

Taxminlarga ko‘ra, yo‘llanmalar quyidagicha taqsimlanadi: Yevropa (UYEFA) 16 o‘rin, Afrika (KAF) – 9,5, Osiyo (OFK) – 8,5, Janubiy Amerika (KONMEBOL) – 6,5, KONKAKAF – 6,5, Okeaniya – 1.

Agar bu tizim JCH-2014 musobaqasida qo‘llanganida, qaysi terma jamoalar qo‘shimcha ravishda mundialda ishtirok etgan bo‘lardi?

Hisoblab ko‘rish qiyinmas.
Agar JCH-2014da 48ta terma jamoa ishtirok etganida, unga qo‘shimcha ravishda –
Evropadan - Ukraina, Shvesiya, Islandiya va Ruminiya,
Afrikadan - Senegal, Efiopiya, Tunis, Misr,
Osiyodan - Iroq, O‘zbekiston, Iordaniya, Qatar,
Janubiy Amerikadan - Venesuela,
KONKAKAFdan - Panama va Yamayka,
Okeaniyadan – Yangi Zelandiya.
Shuningdek, qit’alararo pley-off o‘yinlari Peru - Livan va Burkina-Faso - Gvatemala o‘yinlarining g‘oliblari yo‘l olgan bo‘lardi.

Bu taxminlar bilan Infantino kiritgan o‘zgarishlar qanday ko‘rinish olishi haqida umumiy tasavvurga ega bo‘lish mumkin.