"Ливерпуль" бош мураббийи Юрген Клопп Англия Лига кубоги яримфиналининг биринчи ўйинида "Саутгемптон"дан учралган мағлубиятдан сўнг (0:1) фикрлари билан ўртоқлашди.
"Ўтказиб юборилган голга нотўғри муносабатда бўлдик. Биз рақиб ортидан улгурмадик, етарли даражада жипслаша олмадик. Буни тушунтириш осон - биз сафардаги кубок учрашувига нотўғри режа туздик. Бундай учрашувларда ҳар доим қийин бўлган.
"Саутгемптон" кўпроқ вазиятлар яратди, чунки биз жипслашиб ҳаракат қилмадик. Кариус бизни қўлидан келганича сақлади. Рақиб ҳақли ғалабага эришди, аммо бу биринчи ўйин, холос.
Ўйинимиздан қониқмадим. Тўп билан кўпроқ муомала қилишимиз керак эди. Биз бундан яхшироқ ўйнашимиз мумкин эди. Бунақаси бўлиб туради.
Ўйинни ёмон бошламадик, аммо ўтказиб юборилган голга жавоб беролмадик. Нима бўлганини тушуниш учун ўйинни қайта кўраман. Жавоб учрашуви бутунлай бошқача бўлади. Ҳаммаси ҳал бўлгани йўқ", - дейди Клопп.
