Ўзбекистон терма жамоаси ва «Шанхай СИПГ» клуби яримҳимоячиси Одил Аҳмедов янги жамоасида ҳолат, янги мураббий ва янги мамлакатда дуч келаётган кичик муаммолари ҳақида гапириб ўтди.
«Андре Виллаш-Боаш кучли мураббий, у мени «Шанхай СИПГ»да кўришни истади. Андре Россия чемпионатида яхши ишлади.
Тил борасида кичик муаммолар бор. Аммо аста-секин футбол терминлари таржимасини яхшироқ билиб оляпман. Ҳозирги жамоадошларим Ву Лей ва Ян Жу Линг билан терма жамоадаги ўйинлар орқали танишганмиз. Халк билан эса битта чемпионатда ўйнаганмиз. Улар менга ёрдам беришмоқда», - дея Одил Аҳмедовнинг сўзларидан келтиради Хитой клуби расмий сайти.
