Швециянинг АИК клуби ҳужумчиси Александр Исак яқин орада «Реал» билан шартнома имзолаши мумкин.
17 ёшли «янги Иброҳимович» фаолиятини Мадрид клубида давом эттиришга яқин, деб хабар бермоқда Marca.
«Реал» ёш иқтидор учун 10 млн евро тўлашга тайёр. Агар унинг трансфери амалга ошса, Исак швециялик энг қиммат футболчига айланади ва Иброҳимович рекордини янгилайди. 2001 йилда Златан «Мальмё» клубидан «Аякс» таркибига 8,7 млн евро эвазига ўтган эди.
Швеция чемпионатининг ўтган мавсумида Александр Исак 19 ўйинда 10 гол уриб, жамоаси билан 2-ўринни эгаллади.
