Австралияда теннис бўйича «Australian Open–2017» мусобақаси давом этмоқда.

Турнирнинг 2-босқичида ўзбекистонлик Денис Истомин мусобақа фаворитларидан бири, дунёнинг 2-ракеткаси сербиялик Новак Жокович билан беллашди.

Деярли 5 соат давом этган қизиқарли баҳсда ҳамюртимиз 5 сетда – 7:6, 5:7, 2:6, 7:6, 6:4 ҳисобида ғалаба қозониб, катта сенсацияни тақдим қилди.

Эслатиб ўтамиз, Новак Жокович Australian Open мусобақасида олти марта (2008, 2011, 2012, 2013, 2015 ва 2016 йиллар) чемпион бўлган. Истомин унга қарши ўтказилган аввалги 5та баҳснинг барчасида мағлубиятга учраган эди.

Энди Истомин кейинги босқичда, 20 январь куни турнирнинг 30-ракеткаси, испаниялик Кареньо-Буста билан баҳслашади.