«Ренн» бош мураббийи Кристиан Гуркюфф ФИФА мулозими Марко ван Бастен томонидан таклиф қилинган янги қоидаларга ўз муносабатини билдирди.
Эслатиб ўтамиз, ван Бастен офсайдни ва сариқ карточкаларни бекор қилишни таклиф этганди.
«Ван Бастен томонидан қилинган таклиф бир уюм ахлатдан иборат. Бу мен ўқиган аҳмоқона гапларнинг энг каттасидир. Бу ислоҳотлар туфайли биз ўтмишга қайтамиз. Унда шаҳарлар ўзаро футбол ўйнаб, ўйинлар футболчиларнинг ўлими билан тугаган.
Офсайд қоидаси – футболчининг ақли орқали бошқарилади. Агар уни бекор қилсак, жамоавий руҳни ўлдирамиз. Бу эса футболда муҳим нарса. Агар буни тушунмасанг, унда футболниям тушунмайсан» - деди мураббий Marca хабарида.
