Хитойда бўлиб ўтган ММА универсал турдаги жанглар бўйича чемпионатда россиялик Ибрагим Халилов ўзбекистонлик Бахтиёр Баротов билан беллашди.
Аммо жанг бор йўғи 3 сония давом этди. Гап шундаки, Халилов ҳамюртимиз Баротовни саломлашув пайтида уриб, нокаут қилишга муваффақ бўлди. Натижада ҳакамлар ғалабани россиялик спортчига беришди.
Бу воқеа ММА ихлосмандларини ғазабга солди ва улар Халиловни нопрофессионалликда айблашди. Яқинда Халиловнинг ўзи бу воқеага изоҳ берди.
«Биз жангдан олдин саломлашдик, кўришдик. Кейинг бонг урилди ва жанг бошланди. Тўғрисини айтсам, иккинчи марта кўришишни ҳаёлимгаям келтирмагандим. Тўғри у қўлини олдинга узатди, аммо мен бундай ҳаракатни зарба йўллашга уриниш деб қабул қиламан, саломлашяпти деб ўйламайман. Бошқа жангларимниям кўриб чиқинг, дастлабки сонияларданоқ зарба йўллайман. Бонг янграши биланоқ олдинга ташланаман.
Билмадим, бундан буён бу ҳақда рақибни олдиндан огоҳлантиришим керакмикан. Аммо бўлар иш юз бериб бўлди. Жангдан сўнг унинг аҳволи ҳақида қизиқсам, ёрдамчиларим ҳаммаси жойида, ўзига келди деб айтишди» - деди Халилов Матч ТВ хабарида.
