Ўйиннинг 59-дақиқасига келиб ҳисоб очилди. Ўзил бурчакдан етказган узатмани Мустафи бош билан дарвозага жойлади. Аммо орадан кўп ўтмасдан ҳакам "Арсенал" ҳимоячиси Жакани майдондан четлатди. Венгер шогирдлари бир киши кам бўлиб ўйнаётганларига қарамай, тўпни назорат қилиб, рақибга ҳужум қилиш имконини бермади. Бироқ ўйинга қўшиб берилган дақиқаларда Коклен ўз жарима майдончаси ичида рақиб ҳужумчисини чалиб йиқитгани боис, "Арсенал" дарвозаси томон пенальти белгиланди. Грэй ҳисобни тенглаштирди.

Қўшиб берилган дақиқаларнинг энг сўнггиси — еттинчиси ўтиб бораётган пайтда мезбонлар жарима тўпини ўйинга киритишди. "Бёрнли" ҳимоячиси оёғини баланд кўтариб, тўпга бош билан зарба бераётган Косьельнининг юзига тепиб юборди. Натижада бу сафар меҳмонлар дарвозаси томон пенальти белгилади. Алексис Санчес ундан самарали фойдаланиб, "Арсенал"га ғалаба келтирувчи гол муаллифига айланди.

Натижада "канонирлар" ўз очколарини 47тага етказиб, жадвалда 2-ўринга кўтарилиб олишди.

АПЛ, 22-тур.
Арсенал – Бернли 2:1 (0:0, 2:1)
Голлар: 1:0 – 59 Мустафи, 1:1 – 90, пенальти Грэй, 2:1 – 90, пенальти Санчес.
Арсенал – Чех, Мустафи, Монреаль, Габриэл, Косьельни, Ўзил (Бельерин, 89), Жака, Ивоби (Коклен, 69), Рэмзи, Санчес, Жиру (Уэлбек, 87).
Бернли – Хитон, Кин, Уорд, Лоутон, Ми, Бойд, Марни (Тарковски, 76), Хендрик (Бартон, 73), Дефур (Воукс, 77), Грэй, Барнс.
Огоҳлантиришлар: Лоутон (58), Марни (74), Мустафи (90), Барнс (90).
Четлатиш: Жака (65).