«Реал» ҳужумчиси Криштиану Роналду «Барселона» ҳужумчиси Лионель Месси билан муносабатлари яхши экани ҳақида гапирди.
«Месси ўз жамоаси учун меҳнат қилмоқда, мен эса ўз жамоам учун. Биз рақобатчи клубларда ўйнаймиз, шунинг учун ҳам бир-биримизга рақибмиз. Аммо муносабатларимиз яхши.
Одамлар бизни ҳар доим таққослаб кўришади, бу табиий. Ҳатто фарзандларимизни ҳам таққослаб кўришади: қачон туғилган, кимники тезкор, ақлли... Афсуски, шов-шув бизнесга айланиб бўлган.
Менимча бизни таққосламаган маъқул, Роналду – бу Роналду, Месси – бу Месси. Биз ажойиб футболчилармиз, совринларимиз шунга далолат қилмоқда. Таққослашни ёқтирмайман, бу мен учун эмас. Биз бир-биримиздан фарқ қиламиз, ўз ишимизни қилаётган бошқа-бошқа одамлармиз» - деди Роналду.