«Real» hujumchisi Krishtianu Ronaldu «Barselona» hujumchisi Lionel Messi bilan munosabatlari yaxshi ekani haqida gapirdi.

«Messi o‘z jamoasi uchun mehnat qilmoqda, men esa o‘z jamoam uchun. Biz raqobatchi klublarda o‘ynaymiz, shuning uchun ham bir-birimizga raqibmiz. Ammo munosabatlarimiz yaxshi.

Odamlar bizni har doim taqqoslab ko‘rishadi, bu tabiiy. Hatto farzandlarimizni ham taqqoslab ko‘rishadi: qachon tug‘ilgan, kimniki tezkor, aqlli... Afsuski, shov-shuv biznesga aylanib bo‘lgan.

Menimcha bizni taqqoslamagan ma’qul, Ronaldu – bu Ronaldu, Messi – bu Messi. Biz ajoyib futbolchilarmiz, sovrinlarimiz shunga dalolat qilmoqda. Taqqoslashni yoqtirmayman, bu men uchun emas. Biz bir-birimizdan farq qilamiz, o‘z ishimizni qilayotgan boshqa-boshqa odamlarmiz» - dedi Ronaldu.