ФИФА ташкилотининг баҳсларни ҳал қилиш палатаси «Ростов» ҳужумчиси Сардор Азмун иши бўйича қарор чиқарди.
Футболчининг манфаатларини ҳимоя қилувчи «Лигал Спорт» ҳуқуқий компаниясининг хабарига кўра, ФИФА «Рубин» клубининг барча даъво ва талабларини рад қилди.
«ФИФА палатаси футболчи ва «Рубин» клуби ўртасидаги шартномани бекор қилинишида ҳеч қандай қоида бузилмаганини аниқлади. Энди у «Ростов» клубидаги фаолиятини давом эттиради. Бундан ташқари, «Рубин» футболчига қарзини тўлаб бериши ҳам лозим» - дейилади компания сайтидаги хабарда.
Маълумот ўрнида, "Рубин" клуби Азмунни "Ростов" билан тузган шартномасини бекор қилиб, Қозонга қайтишини талаб қилган эди.
