«Реал» клубининг собиқ, айни пайтда «Бавария» устози Карло Анчелотти собиқ шогирди Криштиану Роналдуни мақтади.
«Мен футболчиларни илҳомлантира оламан, бунда муаммо бўлмаган. Айниқса, мен ишлаган клубларнинг савиясини инобатга олсак, бу яққол намоён бўлади.
Аммо Хаби Алонсо ва Пепе каби футболчиларни ғалабаларга тўйдириб бўлмайди. Бу гап Роналдуга ҳам тааллуқли. У машғулотларда тер тўкиб ишлайдиган жуда профессионал футболчи. Жисмоний тикланиш машқларидан бошлаб, парҳезга қадар ҳаммасини мукаммал бажаради. У барча ишни маромида эканига ишонч ҳосил қилмагунча тўхтамайди.
Мен ҳам футболчи бўлганман, аммо ўзимни у билан таққослай олмайман. Ҳозирги футболчилар катта профессионалдир, бироқ Роналду профессионализмни янги савияга олиб чиқди» - деди Анчелотти ESPN хабарида.
