«Real» klubining sobiq, ayni paytda «Bavariya» ustozi Karlo Anchelotti sobiq shogirdi Krishtianu Ronalduni maqtadi.
«Men futbolchilarni ilhomlantira olaman, bunda muammo bo‘lmagan. Ayniqsa, men ishlagan klublarning saviyasini inobatga olsak, bu yaqqol namoyon bo‘ladi.
Ammo Xabi Alonso va Pepe kabi futbolchilarni g‘alabalarga to‘ydirib bo‘lmaydi. Bu gap Ronalduga ham taalluqli. U mashg‘ulotlarda ter to‘kib ishlaydigan juda professional futbolchi. Jismoniy tiklanish mashqlaridan boshlab, parhezga qadar hammasini mukammal bajaradi. U barcha ishni maromida ekaniga ishonch hosil qilmaguncha to‘xtamaydi.
Men ham futbolchi bo‘lganman, ammo o‘zimni u bilan taqqoslay olmayman. Hozirgi futbolchilar katta professionaldir, biroq Ronaldu professionalizmni yangi saviyaga olib chiqdi» - dedi Anchelotti ESPN xabarida.
