Теннис бўйича Ўзбекистон терма жамоаси аъзоси Санжар Файзиев Қозоғистонда ўтказилаётган халқаро турнирда иштирок этмоқда.
Санжар яккалик баҳслари биринчи даврасида ҳиндистонлик Вижай Сундар Прашантни, иккинчи даврада польшалик Андрея Капашани мағлубиятга учратди. Теннисчимиз чорак финалда италиялик Лоренцо Жустинога қарши кортга чиқади.
Турнирнинг жуфтликлар ўртасидаги баҳсларида С.Файзиев қозоғистонлик Тимур Хабибулин билан ярим финалга чиқди. Улар дастлабки учрашувда Чехия вакиллари Марек Генгел ва Томаш Папикни 6:4, 7:6, чорак финалда россиялик Маркос Каловелонис ва Денис Матсукевични 7:6, 4:6, 10:4 ҳисобида мағлубиятга учратди.
Энди Санжар ва Тимур финал йўлланмасини қўлга киритиш учун нидерландиялик Нилс Лутсма ҳамда Ботик ван де Зандшулп билан рақобатлашади.
