Аргентина терма жамоаси ва «Барселона» ҳужумчиси Лионель Мессининг биринчи мураббийи Эрнесто Веккио оламдан ўтди.
AS хабарига кўра, 65 ёшли мутахассис Росарио шаҳрида вафот этди.
Эрнесто Веккьо Мессини «Ньюэллс Олд Бойз» клубида дастлабки қадамларини ташлаётганида шуғуллантирган. У умрининг охиригача ўсмирлар билан иш олиб борган.
«Лео «Белла Виста» мажмуасидаги кичкина майдончаларда ўйнаганида у билан иш бошлаганман. Ўшанда ҳам бошқалардан ажралиб турувчи техникага эга эканини намойиш этганди» - деган эди Веккио интервьюларидан бирида.
