Argentina terma jamoasi va «Barselona» hujumchisi Lionel Messining birinchi murabbiyi Ernesto Vekkio olamdan o‘tdi.

AS xabariga ko‘ra, 65 yoshli mutaxassis Rosario shahrida vafot etdi.

Ernesto Vekkyo Messini «Nyuells Old Boyz» klubida dastlabki qadamlarini tashlayotganida shug‘ullantirgan. U umrining oxirigacha o‘smirlar bilan ish olib borgan.

«Leo «Bella Vista» majmuasidagi kichkina maydonchalarda o‘ynaganida u bilan ish boshlaganman. O‘shanda ham boshqalardan ajralib turuvchi texnikaga ega ekanini namoyish etgandi» - degan edi Vekkio intervyularidan birida.