31 ёшли португалиялик футболчи Криштиану Роналду Gucci дўкони сотувчиси Жоржина Родригес билан ишқий муносабатларини кенг жамоатчиликдан сир тута олмаяпти.
Жуфтликнинг бирга тушган суратлари матбуотда чоп этилди. Футболчининг онаси эса уни уйланишга мажбурлаяпти, деб ёзади “Вести”.
Роналду Жоржина билан тўрт ойдан бери учрашиб юради. Бундан журналистлар хабар топиши билан Роналду севгилисини онаси билан таништиришга мажбур бўлди. Маълумотларга кўра, Жоржина Роналдунинг онасига ёққан. У ўғлининг тезроқ оила қуришини истаяпти. Машҳур футболчининг ўзи ҳам яна бир бор ота бўлишни интиқлик билан кутяпти.
Тасдиқланмаган маълумотларга кўра, Роналдунинг тўйи 2018 йилнинг ёз ойларида бўлиб ўтади. Роналду ҳозирда суррогат она дунёга келтирган 6 ёшли ўғлини тарбияламоқда.
