31 yoshli portugaliyalik futbolchi Krishtianu Ronaldu Gucci do‘koni sotuvchisi Jorjina Rodriges bilan ishqiy munosabatlarini keng jamoatchilikdan sir tuta olmayapti.
Juftlikning birga tushgan suratlari matbuotda chop etildi. Futbolchining onasi esa uni uylanishga majburlayapti, deb yozadi “Vesti”.
Ronaldu Jorjina bilan to‘rt oydan beri uchrashib yuradi. Bundan jurnalistlar xabar topishi bilan Ronaldu sevgilisini onasi bilan tanishtirishga majbur bo‘ldi. Ma’lumotlarga ko‘ra, Jorjina Ronalduning onasiga yoqqan. U o‘g‘lining tezroq oila qurishini istayapti. Mashhur futbolchining o‘zi ham yana bir bor ota bo‘lishni intiqlik bilan kutyapti.
Tasdiqlanmagan ma’lumotlarga ko‘ra, Ronalduning to‘yi 2018 yilning yoz oylarida bo‘lib o‘tadi. Ronaldu hozirda surrogat ona dunyoga keltirgan 6 yoshli o‘g‘lini tarbiyalamoqda.
