«Ливерпуль» бош мураббийи Юрген Клопп Англия кубогидан ўрин олган «Вулверҳэмптон» (1:2) клубига қарши ўйиндаги мағлубиятдан сўнг хафа эканини яширмади.
«Биз жуда ёмон ўйнадик. Ёмон бошладик, кейин ўйинимизни кучайтира олмадик. Бунақа ўйиндан сўнг яхши гапни айтиш мушкул. Буни тушунтириш жуда оғир.
Тезкор гол рақибга ёрдам берди. Биз бунга тайёр эмасдик. Жамоа тўпни назорат қилди, аммо яна бир гол ўтказиб юбордик.
Иккинчи таймда ўйинимиз жонланди, бироқ барибир мағлубиятга учрадик.
Таркибни мен танлайман, демак мен жавобгарман. Футболчиларни айбламайман. Албатта, бундай вазиятларда футболчилар ҳақида кўп нарсаларни билиб оласан. Аммо жавобгарлик менинг зиммамда» - деди немис мутахассиси.
