«Арсенал» клуби бош мураббийни алмаштиришга тайёргарлик кўрмоқда.
Клубдаги 20 йиллик фаолиятидан сўнг, Арсен Венгер ўз лавозимини тарк этади. 67 ёшли мутахассиснинг шартномаси мавсум охирида ниҳоясига етади ва раҳбарият уни узайтирмоқчи эмас.
Айни пайтда «канонирлар»нинг агентлари «Ювентус» устози Массимилиано Аллегри билан музокара ўтказмоқда. Италиялик мутахассис 2017/18 мавсумидан бошлаб «Арсенал»ни қўлга олиши мумкин. Ҳозирда у инглиз тилини фаол ўрганиш билан шуғулланмоқда, деб хабар беради The Sun.
