"Реал" бош мураббийи Зинедин ЗиданИспания чемпионатида "Реал Сосьедад" устидан қозонилган ғалабадан сўнг (3:0) фикрларини билдирди.

"Бу муҳим ғалаба бўлди, биз жиддий рақиб устидан ғалаба қозондик. Биз ўйин бошиданоқ прессинг уюштирмоқчи эдик, аммо буни яхши уддалай олмадик. Танаффусдан сўнг тактикани ўзгартирдик ва қарши ҳужумларни қўллай бошладик.

Рақиб бизга муамммолар яратиб турди, аммо умуман олганда яхши ўйнадик, "Сосьедад"га учта гол уришнинг ўзи бўлмайди. Биз рақибга кўп имконият бермадик, бу жуда муҳим. Нолга ўйнаганимиздан мамнунман.

Ҳа, мухлисларнинг ҳуштакбозлиги бизга ёқмайди, аммо бугун бизга уларнинг қўллашлари керак эди ва уни олдик. Роналдуга ҳуштакбозлик? Сиз бу саволни шунчалик жиддий қиёфада беряпсизки, мен шунчаки, жилмайиб қўйишни маъқул кўрган бўлардим", - дейди Зидан.