"Real" bosh murabbiyi Zinedin ZidanIspaniya chempionatida "Real Sosyedad" ustidan qozonilgan g‘alabadan so‘ng (3:0) fikrlarini bildirdi.
"Bu muhim g‘alaba bo‘ldi, biz jiddiy raqib ustidan g‘alaba qozondik. Biz o‘yin boshidanoq pressing uyushtirmoqchi edik, ammo buni yaxshi uddalay olmadik. Tanaffusdan so‘ng taktikani o‘zgartirdik va qarshi hujumlarni qo‘llay boshladik.
Raqib bizga muammmolar yaratib turdi, ammo umuman olganda yaxshi o‘ynadik, "Sosyedad"ga uchta gol urishning o‘zi bo‘lmaydi. Biz raqibga ko‘p imkoniyat bermadik, bu juda muhim. Nolga o‘ynaganimizdan mamnunman.
Ha, muxlislarning hushtakbozligi bizga yoqmaydi, ammo bugun bizga ularning qo‘llashlari kerak edi va uni oldik. Ronalduga hushtakbozlik? Siz bu savolni shunchalik jiddiy qiyofada beryapsizki, men shunchaki, jilmayib qo‘yishni ma’qul ko‘rgan bo‘lardim", - deydi Zidan.
