«Ювентус» дарвозабони Жанлуижи Буффон ҳозирда Испаниянинг икки грандидан ҳам кучли жамоа борлигини айтди.
«Навбатдаги турда бизни ҳозирги «Реал» ва «Барселона»дан ҳам яхшироқ формага эга жамоа кутмоқда. Бу «Интер»!
Уларга қарши ўйнаш жуда қийин бўлади. «Интер»ни ҳурмат қиламиз. Уларнинг кучини биринчи даврадаёқ билганмиз. Бизга қарши ўйинда улар ғалаба қозонган эди» - деди 39 ёшли дарвозабон Sky Italia хабарида.
Маълумот ўрнида, Стефано Пиоли бошчилигидаги «Интер» А серияда қаторасига 7та ғалаба эришиб, «Ювентус» клубига 9 очколик масофага яқинлашиб олди.
«Ювентус» – «Интер» ўйини 5 февраль куни, соат 23:45да бошланади.
