«Насаф» бош мураббийи Рўзиқул Бердиев ОЧЛ саралашидан ўрин олган «Ал-Ҳидд» (4:0) клубига қарши ўйиндан кейин блиц-интервью берди.
«Йигитларда бироз ҳаяжон бўлди, аммо ишончли ғалабани қўлга киритиб, мухлисларни хурсанд қилдик.
Мавсумнинг илк расмий ўйинида камчиликлар бўлди, лекин ёмон ўйнамадик. Рақибни жиддий қаршилик қилишини кутган эдик.
Биринчи бўлимда 2 гол гол ургач, бироз хотиржамликка берилдик. Натижада рақиб жонланиб қолди. Аммо учинчи голни ургач, ташаббусни яна қайтариб олдик. Ҳали вазифа тўлиқ бажарилмади. Мақсадимиз - гуруҳ босқичига йўл олиш» - деди Бердиев.
