"Арсенал" бош мураббийи Арсен Венгер АПЛнинг 23-турида "Уотфорд"дан учралган мағлубиятдан сўнг (1:2) фикрлари билан ўртоқлашди.
"Бугун яккакурашларда мағлуб бўлдик ва кескин ўйнай олмадик. Ўйинчиларим бундай ўйинга ақлан тайёрмасдай кўринди. Унчалик хафли бўлмаган жарима тўпидан киритилган биринчи голда омадимиз келмади. Ўйинга киришиб кетишимиз учун вақт керак бўлди, иккинчи бўлимда са мақсадимизга ета олмадик.
Фактларга юзланадиган бўлсак - биз яккакурашларда ютқаздик. Биздай жамоанинг ўз майдонида бундай ўйини - нормал эмас", - дейди Венгер.
