"Барселона" яримҳимоячилари Андрес Иньеста ва Серхио Бускетс, шунингдек, ҳимоячиси Лука Динь Испания кубоги яримфиналининг биринчи ўйинида "Атлетико"га қарши ўйнамайдилар.
Футболчилар аввал олган ароҳатларидан фориғ бўлмадилар. Бускетс тўпиғидан олган жароҳатини тикламоқда, Иньестанинг мушакларида муаамо бор, Диннинг тиззаси лат еган.
Шунингдек, "матрасчилар" билан ўйинни жамоанинг асосий дарвозабони Марк-Андре тер Штеген ўтказиб юборади. Луис Энрикенинг ротациясига кўра, бу учрашувда каталонияликлар дарвозасини Яспер Силлессен ёки Хорди Масип қўриқлайди.
Учрашув 1 февраль куни Мадридда бўлиб ўтади, жавоб учрашуви 7 февралга белгиланган.
