«Манчестер Юнайтед» бош мураббийи Жозе Моуриньо «Ҳалл Сити» (0:0) клубига қарши ўйиндан сўнг, ҳакамлардан нолиди.

Хусусан, мутахассис «Ливерпуль» устози Юрген Клоппнинг эҳтиросларини кечириб юборишаётгани, ўзиникини эса жаримага тортишаётганини айтди.

«Қоидалар ҳамма учун бир эмас. Кўп гапиришни истамайман, чунки шундоғам кўп миқдорда жарима тўлаяпман.

Масалан, кеча бир мураббий тўртинчи ҳакамдан: «Эҳтиросларингиз менга ёқади, бунда муаммо кўрмаяпман» - деган гапни эшитди. Бугун эса мен жимгина ўтиришим керак эди ёки майдондан четлатилардим. Менинг эҳтиросларим ҳакамларга ёқмайди. Жарима тўлаганимдан кўра, ҳеч нарсани гапирмаганим маъқул» - деди Моуриньо.