«Manchester Yunayted» bosh murabbiyi Joze Mourinyo «Hall Siti» (0:0) klubiga qarshi o‘yindan so‘ng, hakamlardan nolidi.

Xususan, mutaxassis «Liverpul» ustozi Yurgen Kloppning ehtiroslarini kechirib yuborishayotgani, o‘zinikini esa jarimaga tortishayotganini aytdi.

«Qoidalar hamma uchun bir emas. Ko‘p gapirishni istamayman, chunki shundog‘am ko‘p miqdorda jarima to‘layapman.

Masalan, kecha bir murabbiy to‘rtinchi hakamdan: «Ehtiroslaringiz menga yoqadi, bunda muammo ko‘rmayapman» - degan gapni eshitdi. Bugun esa men jimgina o‘tirishim kerak edi yoki maydondan chetlatilardim. Mening ehtiroslarim hakamlarga yoqmaydi. Jarima to‘laganimdan ko‘ra, hech narsani gapirmaganim ma’qul» - dedi Mourinyo.