"Манчестер Сити" яримҳимоячиси Яҳё Туре унинг жамоаси ушбу мавсумда "Челси" билан чемпионлик учун курашда давом этишини маълум қилди.

Ҳозирда "шаҳарликлар" "аристократлар"дан 10 очко ортда бормоқдалар.

"Ўзимга келсак, мен ҳеч қачон таслим бўлмайман. Футболда эса гапириш эмас, ўйнаш керак. Ўйин савиянгизни ошириб боришингиз керак. "Челси" ҳафтада бир марта ўйин ўтказяпти, биз эса бир неча фронтда курашяпмиз.

Бизга осон бўлмаяпти. "Челси" "Ливерпуль"ни мағлуб этганида, бизнинг ҳаётимиз оғирлашган бўлар эди. Умуман олганда, биз "Челси" ҳақида эмас, ўз ўйинимиз ҳақида ўйлаяпмиз", - дейди Туре

АПЛнинг 24-турида "Манчестер Сити" ўз майдонида "Суонси Сити"ни қабул қилади, "Челси" эса "Арсенал" билан учрашади.