«Арсенал» бош мураббийи Арсен Венгер АПЛ 24-туридан ўрин олган «Челси» (1:3) клубига қарши ўйиндан сўнг ўз фикрларини айтди.

«Челси»нинг биринчи голида қоида бузилган эди. Бироқ бу «Челси»нинг ажойиб ўйинига раҳна сололмайди.

Биз ўйинни яхши ўтказдик. Афсуски, бир қанча яхши вазиятлардан фойдалан олмай, гол ўтказиб юбордик. Иккинчи гол эса бизни «ўлдирди».

Шундан сўнг, таваккал қилиб, олдинга катта куч билан ўтишга мажбур бўлдик. «Челси» эса қарши ҳужумларда яхши ҳаракат қилди. Биз тўпни кўп йўқотдик, баъзи футболчилар ўз савиясида ўйнамади» - деди Венгер BBC Sport эфирида.