«Ливерпуль» бош мураббийи Юрген Клопп «Ҳалл Сити» (0:2) клубидан учралган мағлубиятдан сўнг ўз фикрлари билан ўртоқлашди.

«Биз кўрсатаётган ўйин яхшимаслиги кўрниб турибди. Иккита голни осонлик билан ўтказиб юбордик. Агар иккинчи бўлимдаги каби ўйнаганимизда, мағлуб бўлмасдик. Ҳозир миямда жуда кўп фикрлар айланмоқда.

Уларни сизга айтолмайман, бир бошдан ҳаммасини ўйлаб кўришим шарт.

Биз тўпни назорат қилдик, бироқ бундан фойда бўлдими? Агар вазиятларни ярата олсанг, тўп назорати шундагина фойдали бўлади. Энди танқидларни қабул қилиб, у ҳақда ўйлаб кўриб, жавобларни излаб, унга нисбатан тўғри қарор қабул қилишимиз лозим» - деди Клопп.