«Реал» ҳужумчиси Альваро Мората жамоасини ўзгартиришга қарор қилган.
Sportslens хабарига кўра, 24 ёшли футболчи жамоадошлари, мураббийлар штаби ва раҳбариятга ёзда клубни тарк этиши ҳақида хабар берган. У асосий таркибда жуда кам майдонга тушаётганидан норози.
Мората катта эҳтимол билан фаолиятини «Челси» клубида давом эттириши мумкин. У билан «кўклар»нинг бош мураббийи Антонио Конте қизиқмоқда. Аввалроқ, ҳар иккаласи ҳам «Ювентус» клубида бирга ишлаган эди.
«Реал» клуби футболчини 60 млн еврога сотиши мумкин.
