Кеча бўлиб ўтган "Барселона" ва "Атлетико" ўртасидаги Испания кубоги ярим финал баҳси жуда шиддатли ўтди. Уч нафар футболчи майдондан четлатилди, Гамейро пенальтидан фойдалана олмади, Гризманнинг голи ноҳақ инобатга олинмади, Мессининг жаримадан йўллаган кучли зарбаси дарвоза тўсинига тегиб қайтди.

Қуйида тақдим этилаётган ўйин статистикаси аҳамият қаратсангиз, тўпни назорат қилиш борасидаги кўрсаткич тенг бўлганини кўриш мумкин. "Барса" ижросидаги ўйинларда бундай ҳолат камдан-кам қайд этилади.

Бундан ташқари, "Атлетико" дарвоза томон берилган зарбалар, хусусан, аниқ зарбалар сони бўйича устунликка эга бўлди. Бу зарбалар натижасида Силессен 4 марта сэйв намойиш қилишга мажбур бўлди. Шунингдек, "матрасчилар" 10 марта бурчак тўпини ўйинга киритишган бўлса, "кўк-анорранглилар" бу ишни атиши 3 марта амалга оширишган.

Умуман олганда, "Атлетико" ўйин давомида устунликка эга бўлганини статистика ҳам кўрсатиб турибди. "Барселона" ўз уйида дуранг ўйнаб, сафарда ғалаба қозонгани боис Испания кубоги финалига чиқди.

"Барселона" - "Атлетико" - 1:1
Тўп назорати: 51% — 49%
Дарвоза томон зарбалар: 7 — 12
Аниқ зарбалар: 3 — 5
Ноаниқ зарбалар: 3 — 5
Тўсилган зарбалар: 1 — 2
Жарима зарбалари: 15 — 13
Бурчак тўплари: 3 — 10
Офсайдлар: 1 — 4
Сэйвлар: 4 — 2