«Манчестер Юнайтед» яримҳимоячиси Генрих Мхитарян «Ливерпуль» бош мураббийи Юрген Клоппдан миннатдор эканини билдирди.

Ҳар иккаласи ҳам Дортмунднинг «Боруссия» клубида бирга ишлаган эди.

«Клоппдан миннатдорман. У менинг иродам ва руҳиятим устида ишлаган. «Боруссия»да бир неча ўйинлардан сўнг асабийлашиб қолганман, чунки натижалар ёмон эди. Клопп менга тўғри йўлни кўрсатган. У мени қўллаб-қувватлаб, кайфиятимни кўтарган. У мени мукаммал футболчи бўлишимга кўмаклашган.

Клопп ва Моуриньо – ҳар иккаласи ҳам ўз ишининг устаси. Аммо уларнинг услуби бироз фарқ қилади» - деди Мхитарян.