«Manchester Yunayted» yarimhimoyachisi Genrix Mxitaryan «Liverpul» bosh murabbiyi Yurgen Kloppdan minnatdor ekanini bildirdi.
Har ikkalasi ham Dortmundning «Borussiya» klubida birga ishlagan edi.
«Kloppdan minnatdorman. U mening irodam va ruhiyatim ustida ishlagan. «Borussiya»da bir necha o‘yinlardan so‘ng asabiylashib qolganman, chunki natijalar yomon edi. Klopp menga to‘g‘ri yo‘lni ko‘rsatgan. U meni qo‘llab-quvvatlab, kayfiyatimni ko‘targan. U meni mukammal futbolchi bo‘lishimga ko‘maklashgan.
Klopp va Mourinyo – har ikkalasi ham o‘z ishining ustasi. Ammo ularning uslubi biroz farq qiladi» - dedi Mxitaryan.
