"Манчестер Сити" ҳужумчиси Серхио Агуэро сўнгги ўйинларда захира ўриндиғида қолавергач, унинг ёзда клубни тарк этиши ҳақида миш-мишлар тарқалмоқда.
Жумладан уни "Реал", "Барселона" ва "Бавария" билан боғламоқдалар.
Аммо бу курашда бир клуб устунлик қилиши мумкин. 2006 йилда 17 ёшли Агуэро шундай интервью берган эди: "Агар лига танлаш имконияти берилса - Англияни танлардим. Эсимни таниганимдан буён "Ливерпуль" мухлисиман, у ерда ўйнасам зўр бўлар эди. Мен чемпионлар лигаси финалини кўрдим ва уларнинг ҳар бир голидан завқ олдим".
Албатта, ҳозир Агуэронинг "Ливерпуль"га ўтиш ҳтимоли жуда кам, аммо ким билади, у ёшлигидан мухлислик қилган жамоасига ўтишни истаб қолар?
