"Manchester Siti" hujumchisi Serxio Aguero so‘nggi o‘yinlarda zaxira o‘rindig‘ida qolavergach, uning yozda klubni tark etishi haqida mish-mishlar tarqalmoqda.
Jumladan uni "Real", "Barselona" va "Bavariya" bilan bog‘lamoqdalar.
Ammo bu kurashda bir klub ustunlik qilishi mumkin. 2006 yilda 17 yoshli Aguero shunday intervyu bergan edi: "Agar liga tanlash imkoniyati berilsa - Angliyani tanlardim. Esimni taniganimdan buyon "Liverpul" muxlisiman, u yerda o‘ynasam zo‘r bo‘lar edi. Men chempionlar ligasi finalini ko‘rdim va ularning har bir golidan zavq oldim".
Albatta, hozir Agueroning "Liverpul"ga o‘tish htimoli juda kam, ammo kim biladi, u yoshligidan muxlislik qilgan jamoasiga o‘tishni istab qolar?
