Япония ҳукумати ишлатилган телефонларни утилизация қилишнинг самарали усулини топди.
Эндиликда улар қайта ишланади ва улардан 2020 йилги Олимпиада ўйинларида топшириладиган медаллар тайёрланади. Лекин бу медаллар митти Нокиа 3310 моделига ўҳшаш бўлади, дегани эмас. Телефонлардан барча қимматбаҳо металлар ажратиб олиниб, кейинчалик олтин, кумуш ва бронза медалларига экстрактлар сифатида ишлатилади. Бунинг учун ҳоҳловчилар ўзларига кераксиз мобил телефонларни махсус қутиларга солиб қўйишлари керак. Сўнг улар қайта ишлашга юборилади. Ушбу лойиҳа экология жиҳатидан афзаллиги билан бирга, мамлакатга олимпиадани ўтказишга сарфланадиган ҳаражатларни камайтириш имконини беради.
Прогнозларга кўра, сарф-ҳаражатлар 16,8 млрд доллар атрофида бўлади.
