"Барселона" ҳужумчиси Лионель Мессининг отаси Хорхе Месси 8 февраль куни Барселонага учиб келган ва ҳозирча ўша ерда бўлиб турибди.
Goal хабарига кўра, Мессининг отаси ўғлининг шартномасини узайтириш бўйича музокара ўтказиш учун келган, аммо ҳозирча каталонияликлар раҳбарияти билан учрашмаган.
Хохе тез кунда Аргентинага қайтиб кетади ва яқин кунларда "Барселона" президенти Хосеп Бартомеу билан музокаралар столига ўтириши мумкин. Ҳозирча томонлар фақат терефон орқали гаплашганлар ва каталонияликлар ҳеч қандай аниқ таклиф билдирмаганлар.
Месси 2018 йилда тугайдиган шартномасини узайтиришга мойил, аммо у клубнинг яқин мавсумлар учун режасини билишни истайди.
